(boletim24.com) – Sua Santidade Papa Francisco, liu husi pubikasaun iha Radio Vaticano, hateten katak ema ateis diak liu duke katoliu ‘barak‘ nebe moris la tuir valor kristaun nian, katak katoliku hipokrita (munafik).
Dala ida tan Papa hatoo kritika ba membru igreja sira nebe kualia oin seluk no halo oin seluk. Tuir Papa ida nee hanesan skandalu boot ida tamba halao moris oin rua.
“Iha katoliku barak nebe hateten ‘Hau mak katoliku lolos, hau sempre ba misa, hau membru ba asosiasaun ida nee no ida neba'”.
“Ema sira nee mos hateten ‘Hau la moris nudar ema kristaun, hau la selu salariu lolos ba hau nia empregadu sira, hau halo esplorasaun ba ema, hau halo negosiu foer, etc'”.
“Iha katoliku barak tebes mak moris ho hahalok hanesan nee”, Papa hateten tan.
Hafoin eleitu iha tinan 2013, Papa Francisco sempre husi ba katoliku sira, padre no sarani sira, atu tau iha pratika doutrina sira relijiaun nian.
Nenhum comentário:
Postar um comentário