Autoridade sira saúde Hong Kong nian
konfirma ohin kazu infesaun hosi vírus Zika dahulul, iha feto ida ho tinan 38
ne’ebé foin lalais hala’o viajen ba Caraíbas.
Tuir jornál South China Morning Post, pasiente ne’e estável hela, iha
sala izolamentu ida iha United Christian Hospital, iha Kwun Tong.
Tuir autoridade sira saúde nian, susuk
tata feto ne’e durante nia viajen.
To’o agora, iha Xina kontinentál rejista
kazu Zika importadu 22 – na’in hitu hosi sira ne’e liuhosi Hong Kong bainhira
fila hosi Amérika Súl, haktuir jornál ne’e.
Tranzmite hosi susuk 'Aedes aegypti',
Zika mosu iha Brazil besik tinan rua ona no hahú hosi ne’ebá espalla ho lais
iha nasaun no parte emisfériu súl.
To’o momentu ne’e, preokupa maka’as liu
ba perigu ne’ebé Zika reprezenta ba inan isin-rua sira no bebé iha isin, tanba
mosu iha ligasaun ho problema konjénitu bainhira akontese infesaun iha inan
isin-rua sira, liuliu mikrosefalia no síndrome Guillain-Barré, moras autoimune.
SAPO TL ho Lusa
Publicada por TIMOR AGORA
Litoral
Centro – Comunicação e Imagem
____________
INFORMAÇÃO
SEM FRONTEIRAS!
Nenhum comentário:
Postar um comentário