Baixa Iha ICU, Kondisaun Lasaro Estabil

DILI,  (ANTIL) - Lasaro Jose da Costa (tinan 26) membru F-FDTL ne’ebe hetan tiru iha Ainaro hosi membru PNTL Minisipiu Ainaro iha Sexta (26/08) kalan, nia kondisaun estabil hela, maski baixa hela iha sala ICU HNGV, Dili.

Xefi Departementu Emergensia HNGV, Alito Soares esplika operasaun ba Lasaro lao diak no vitima Lasaro dadauk ne’e baixa hela iha sala ICU HNGV.

“Operasaun la’o diak hotu, orgaun balun de’it mak kona tiru maibe jeralmente kondisaun di’ak hotu,” dehan Alito ba ANTIL, Sabadu (27/08/).

Operasaun Lazaro esplika Alito, hetan tiru hosi hirus matan liman los nian hodi kona estomak no kona te-oan bo’ot.

Vitima Lazaro  evakua hosi Ainaro ba HNGV Dili, ohin dadersan tuku 05.00 oras Timor-Leste, dadauk ne’e sei baixa hela iha HNGV. - Jornalista: Manuel Pinto / Editor: Gantry Meilana

Publicada por TIMOR AGORA