quarta-feira, 25 de maio de 2016

Atetudi PNTL Iha Zumalai Halo Povu Trauma

DILI – Povu iha Postu Administrativa Zumalai, Munisipiu Covalima sente trauma ho atetudi PNTL, neebe maka kaer ema arbiru foin lalais nee iha akontesimentu semana kotuk.

Membru PN husi bankada FRETILIN Francisco Andrade hatete, iha Postu Zumalai joven sira tuda malu neebe rejulta nain ida mate, halo povu sira trauma tamba PNTL no F-FDTL halo atuasaun kaer ema sira neebe maka laenvolve hodi baku arbiru.

Ita nia komunidade iha area neeba senti tauk no trauma tebes, tamba bainhira Polisia kaer ema sira nee arbiru deit, nunee mos lori ba tiha ona sela sei baku nafatain,” dehan deputadu Francisco, liu husi sesaun plenaria, Tersa (24/05/2016).

Deputadu Francisco haktuir tan katak, problema nee seidauk hatene se maka halo, maibee PNTL kaer ema sira nee baku, aat liu tan sira lori kilat maka baku.

Iha fatin hanesan membru PN husi bankada Fretilin Antoninho Bianco hatete, ema neebe maka halo atuasaun iha terenu labele halo povu trauma, tamba nee husu ba Komandu atu orienta nia membru sira tuir lei no orden neebe maka iha. Informasaun kompletu iha STL Jornal no STL Web, edisaun Kuarta (25/5/2016). Carme Ximenes

Suara Timor Lorosae
Publicada por TIMOR AGORA
­­­­­­­­­­­­­_______
NB: Enviem-nos as notícias das vossas localidades, os vossos eventos, com textos em Word e imagens em JPG para editorlitoralcentro@gmail.com serão de imediato divulgadas.

J. Carlos


Nenhum comentário:

Postar um comentário