Autór hosi tiroteiu mak alemaun-iranianu ho tinan 18 - polísia

Autór hosi tiroteiu iha sentru komersiál Munique nian mak alemaun-iranianu ho tinan 18, ne’ebé seidauk hatene loos nia motivasaun, informa polísia ohin.

"Autór mak alemaun-iranianu ho tinan 18 hosi Munique", ne’ebé molok ne’e servisu polísia lahatene, tenik xefe polísia Hunertus Andra, iha konferénsia imprensa.

"Seidauk hatene loos motivu ka esplikasaun ba krime ne’e", nia hatutan.

Polísia konfirma totál vítima mortál na’in sanulu, inklui agresór, ne’ebé oho-an.

Tuir investigasaun ne’ebé la’o hela, atakante ne’e laiha antesedente kriminál no hela tinan balun iha Munique.

Atakante ne’e, ne’ebé nia isin-mate hetan besik kilómetru ida hosi lokál tiroteiu ho sinál katak nia oho-an, kaer hela pistola ida.

SAPO TL ho Lusa

Publicada por TIMOR AGORA