quarta-feira, 18 de maio de 2016

Riku Soin Família Mak Domin, Paz No Hakmatek

Dili, Radio Liberdade Online - Relasiona ho komemorasaun loron mundial ba família ne’ebe monu iha loron 15 fulan Maiu, tema importante iha komemorasaun ne’e “Família Forte Nasaun Forte No Riku Soin Família Nian Mak Dame paz No Hakmatek.”

Tema ida ne’e sai importante ba Timor-Leste nia komemorasaun loron mundial família, ne’ebe hahu ho marsa da família hala’o iha Ssabadu foin lalais ne’e husi Palasiu Prezidente Aitarak-Laran ba iha Largo Lecidere.

Iha enseramentu ho  misa  agradesementu ne’ebe mak hala’o iha loron Domingu foin lalais ne’e, amu Bispu Diozése Dili, Dom Virgílho do Carmo, hateten atu família  idak-idak moris ho domin, paz no hakmatek xave importante ba família mak agradese no mos hatene husu deskulpa ba malu.

Iha fatin hanesan, Primeira Dama, Isabél Fereira, iha nia entrevista  hatene falta komunikasaun sai problema bo’ot ba família iha Timor-Leste no mundu tomak.

“Falta Komunikasaun no la rona malu ne’e  iha membru família laran sai hanesan prolema mundial inklui mos Timor-Leste, as vezes bainhira feto ou mane, ida-idak ho nia arogansia no la rona malu ida ne’e mak bele sobu família,” tenik Primeira Dama.

Iha  komemorasaun loron mundial  família nian, Prezidente Repúblika entrega mos sertifikadu ba kaben na’in  hamutuk rua nolu ne’ebe kompleta sira nia kazal  durante tinan rua nolu resin lima  (25) to’o tinan lima nolu  (50).

Iha komemorasaun loron mundial família nian, hetan partisipasaun masímu husi membru Guvernu sira inklui sarani dioseze Dili.

Entrentatu eventu ne’e  organiza husi Gabinete Primeira Dama no Gabinete Prezidente Repúblika.

Rádio Liberdade Dili

Publicada por TIMOR AGORA

Nenhum comentário:

Postar um comentário