quinta-feira, 5 de maio de 2016

PD Husu Fundador Nasaun Tenki Promove Dialogu

DILI - Partidu Demokratiku husu Fundador nasaun Timor Leste tenki promove sitema dialogu, atu nunee dezentendementu ruma neebe mosu iha solusaun, nunee labele hamosu duvida iha publiku.

Tuir Eis Vice Prezidente Parlamentu Nasional autal Prezidente Partidu Demokratiku Adriano Nacimento hatete nudar Prezidente Partidu hodi diresaun superior too iha baze, Kompremete PD kontinua fo apio ba planu estrateziku dezemvolvimentu neebe PD mos kontribui no aprova hodi hadia povu nia moris.

ita nudar lider no ukun nian ita iha obrigasaun moral no politika atu promove dialogu institusional hodi fo konfiansa no esperensa ba povu Timor Leste hakat ba mundu sibilizasaun hodi sai sosiedade demokratika,” dehan Adriano liu husi Diskursu dala ikus nudar Vice prezidente PN, Kinta (05/05/2016) iha PN.

Rajaun fundamentu tuir Adriano katak dialogu nudar dalan uniku hodi rezolve diverzensia politika, juridika no sosial tamba lider nasaun nee hatudu kapasidade lideransa tenki halo dialogu no simu malu entre ukun nain sira.

Xefi bankada Frente Mudansa Jose Luis Guterres hatete, lori bankada Frente Mudansa nia naran hakarak hatoo parabens ba Prezidente Parlamentu foun Aderito da Costa Hugo, neebe ohin eleje ona sai hanesan Prezidente iha Parlamentu Nasional nee, hodi troka Prezidente Vicente Guterres.

Nunee mos Xefi bankada FRETILIN Aniceto Guterres hatete, rejultadu votasaun nee hatudu ona katak, Prezidente Parlamentu no membru da meja sira seluk lakon ona konfiasansa husi deputadu sira, liu liu husi Fretilin no CNRT. Informasaun kompletu iha STL Jornal no STL Web, edisaun Sesta (6/5/2016). Timotio Gusmao/Thomas Sanches

Suara Timor Lorosae

Publicada por TIMOR AGORA

Nenhum comentário:

Postar um comentário