segunda-feira, 11 de julho de 2016

Fortalesimentu CPLP ne’e "importante tebes" iha mundu globalizadu - Governu

Sekretária Estadu Negósiu Estranjeiru no Kooperasaun, Teresa Ribeiro, konsidera ohin "importante tebes fortalesimentu" Komunidade Nasaun Lia-portugés (CPLP), "plataforma fundamentál" iha atuál mundu globalizadu.

"Mai ha’u fortalesimentu CPLP ne’e importante tebes", tenik sekretária Estadu ne’e, iha deklarasaun ba ajénsia Lusa, no alerta katak "mundu ohin loron ne’e diferente" no nasaun sira tenke hetan nia fatin iha mundu globalizadu.

Governante ne’e ko’alia hafoin partisipa iha konferénsia "CPLP: Mundu Oportunidade Negósiu nian", ne’ebé tama mós iha III Fórum Esportadór sira CPLP nian, ne’ebé la’o hela iha Beja, to’o sábadu.

Iha sesaun, oradór sira seluk mós insentiva, liu-liu antigu ministru sosialista Luís Amado, atuál prezidente Asembleia-Jerál Konfederasaun Emprezariál CPLP nian, no eis-líder PSD Luís Marques Mendes.

Teresa Ribeiro destaka importánsia hosi CPLP atu konfere dimensaun no todan ba nasaun sira ne’ebé halo parte iha nia atu hasoru dezafiu atualidade no defende katak komunidade ne’e "labele sai komunidade Estadu sira-nian de’it, tenke sai mós povu sira-nian".

Iha tinan ne’ebé CPLP komemora nia ezisténsia ba dala 20, governante ne’e lembra katak estrutura ne’e "sei joven hela", seidauk avansa projetu oioin, maybe sai ona "plataforma fundamentál ida".

"No tanba indispensabilidade mak nasaun sira [CPLP nian] ne’e hotu, mak nasaun hotu-hotu jeralmente, tenke hetan forma insersaun iha mundu globál. Tipu plataforma ne’e indispensável", tenik ba Lusa.

Nasaun barak ne’ebé forma CPLP iha diferensa, maibé, sein halakon sira, nia asegura, "iha diferensa" maka tenke "hetan buat ne’ebé" iha nia "bele halibur, tanba interese komún".

Iha konferénsia, iha ámbitu fórum ne’ebé Uniaun Esportadór sira CPLP nian (UE-CPLP) ho Konfederasaun Emprezariál CPLP (CE-CPLP) nian organiza, Luís Amado no Luís Marques Mendes alerta ba tempu inserteza ekonómika ne’ebé mundu hasoru, atualmente no iha tinan hirak oin mai.

"Investidór sira tenke abitua atu investe ho inserteza no risku", aviza Marques Mendes, iha plateia emprezáriu no reprezentante sira hosi nasaun sira CPLP nia oin, no hatutan mós katak investidór sira tenke aproveita tempu hirak ne’e hodi realiza "negósiu ne’ebé di’ak".

Hosi ne’ebá mak, no tanba "mundu muda", tenik Luís Amado, ai-riin ekonómiku CPLP nian bele asume importánsia no tenke "hetan valorizasaun".

Prezidente CE-CPLP nian, Salimo Abdula, defende ba Lusa katak potensiál ekonómiku nasaun sira komunidade nian "boot tebes" no buat ne’ebé presiza "mak fasilita, iha realidade, prosesu burokrátiku ne’e hotu no aliñamentu ideia Estadu sira-nian hodi projesaun future bele sobrevive".

"Iha dékada rua nia laran, it abele sai komunidade ne’ebé reprezenta 25 ka 27% setór petróleu no gás. Ita, mesak bele la’o lalais, maibé hamutuk ita bá dook liután", nia garante.

SAPO TL ho Lusa

Publicada por TIMOR AGORA

Nenhum comentário:

Postar um comentário