LERE: “EMA LABELE FAHE AMI VETERANUS”

Xefi Estadu Maior das Forsas Armadas Falintil Forsa Defeza Timor Leste (F-FDTL), Maijor Jeneral Lere Anan Timur deklara katak, laiha ema ida mak bele fahe veteranu sira, tanba unidade veteranu sira nian, metin kedas desde iha ailaran.

Tanba ne’e dehan Lere Anan Timur, ba futuru veteranu sira sei kontinua hametin nafatin sira nia unidade ida ne’e, hodi ema labele aproveita tempu atu fahe veteranu sira.

 “Ami hakarak reuniaun hanesan ne’e tenke bei-beik, para ema labele fahe ami veteranu sira,” katak Lere Anan Timur ba Jornalista sira iha Palácio Nobre Lahane Dili, Sesta (06/05).

Lere Anan Timur dehan, ho reuniaun sira hanesan ne’e tenki halao bei-beik, para rona saida mak veteranu sira nia hakarak.

Lere Anan Timur hateten tan katak, nia hanoin fali ba situasaun ne’ebé mak sira rasik harii ho naran FALINTIL, no to’o oras ne’e situasaun hakmatek tebes.

“Keta ema ruma mai sobu instituisaun ne’ebé ke ami rasik harii, ami nia preokupasaun mak ida ne’e de’it,” Lere Anan Timur fundamenta.

Xefi Estadu Maior ne’e informa mós katak, iha dialogu ne’e, sira la ko’alia kona-ba lei ka ezonerasaun, maibé sira ko’alia kona-ba estabilidade nasionál no dignidade veteranu sira nian.

“Kona-ba atu nomeia ka la nomeia ne’e, problema sira nian, sira atu lori malu ba tribunál mós, problema sira nian, sira lori ha’u ba tribunál, ha’u prontu ba, i ha’u mós lori sira ba tribunál, mas ida ne’e asuntu ketak,” katak Lere Anan Timur.cos

Jornal Nacional

Publicada por TIMOR AGORA