quinta-feira, 28 de julho de 2016

Jornada Mundiál Juventude hahú ohin iha Cracóvia ho medida forte iha seguransa

Polónia mobiliza ema liu rihun  40 hodi  proteje joven  peregrinu millaun atus resin ne’ebé  partisipa,hahú iha ohin to’o domingu, iha Jornada Mundiál Juventude nian (JMJ), iha  Cracóvia.

Organizasaun enkontru mundiál joven katóliku simu entre joven millaun ida ho balun  to’o  millaun rua, maibé inskrisaun ofisiál iha rihun 360, inklui besik  portugés rihun hitu.

Governu destaka ona  ajente rihun 20, inklui 7.500 iha dalan, bombeiru rihun sia, elementu hosi servisu protesaun ezekutivu 800  no guarda fronteira rihun 11.

Autoridade polaka sira mantein semana ida ona diskursu hakmatek. Iha parte seluk, laiha perigu atentadu ruma, iha sorik seluk, hala’o dadaun esforsuhodi  impede kualkér tentativa ruma.

Hafoin  tiroteiu iha Munique (sul Alemaña), atake iha Nice (sudeste Fransa) atentadu iha Paris no Bruxelas, konsentrasaun hotu  importante parese iha  potensia ba risku.

Aléinde dispozitivu seguransa iha Cracóvia no lokál seluk ne’ebé papa sei vizita, Polónia – ne’ebé  integra iha espasu europeu sirkulasaun Schengen livre– estabelese fila fali kontrolu iha fronteira komunitária, iha portu no aeroportu sira, iha 04 jullu, iha véspera simeira NATO nian no sei mantein to’o  JMJ remata.

Atu bele fasilita operasaun sira, aeroportu Cracóvia-Balice no Katowice-Pyrzowice sei inklui, durante JMJ, ho guarda fronteira Portugál no Itália (iha  primeiru) ho  Béljika no España (iha segundu).

Governu polako lakohi fó sai kustu seguransa ba JMJ, maibé projetu orsamentu ba tinan ne’e, aprova iha setembru liubá, inklui provizaun espesiál ida ho euro millaun 23.

Medida seguransa reforsa moos iha lokál enkontru ho papa Francisco, ne’ebé sei to’o iha Cracóvia kuarta-feira ne’e.

Xefe Igreja katólika ne’e parese alvu potensiál provável ba fanátiku relijiozu izlamita sira.

Atentadu iha prasa Saun Pedro, 13 maiu 1981, hosi turku Ali Agca kontra João Paulo II hatudu ona, tinan 35 liubá, ne’ebé papa moos monu ba perigu ida ne’e  hanesan líder polítiku ida.

SAPO TL ho Lusa

Publicada por TIMOR AGORA

Nenhum comentário:

Postar um comentário