Labarik sira
ne’ebe maka ekonomia inan aman fraku ho la lakon esperansa, maibe ho pasensia
tomak buka osan rasik liu husi dalan
hili lata ka kalen mamuk haleu Dili laran hodi fa’an.
Atividade hili
lata mamuk ne’e hodi ajuda reforsa ekonomia inan aman ne’ebe maka fraku tebes,
ne’e duni maske ho tinan ne’ebe kik bele ona tustenta familia maske ho
rendimentu ne’ebe kik.
“Ha’u nia
aktividade loron-loron nian maka hili lata a’at haleu Dili laran e dalabarak
ha’u ba buka lata iha fatin no uma ne’ebe ema halo festa, tanba wainhira ema
halo festa ruma ha’u bele hetan lata gerobak isin ida,”hateten Pascoal da Costa
ba JN-Diario wainhira hili lata iha area Kampus UNTL, Dili, Tersa (03/05/2016).
Nia dehan,
durante tinan ida ona la eskola, tanba tenki hili lata a’at no ba fa’an fali
atu nune’e bele ajuda fali inan ho aman sosa hahan no sustenta alin ki’ik sira,
tanba rendimentu inan ho aman nian la sufisiente.
“Kuaze tinan ona
maka ha’u hili dalan para eskola hodi buka osan ho maneira hili lata, tanba
ha’u hanoin ba inan aman nia rendimentu ne’ebe la sufisiente atu sustenta
familia uma laran, tanba ami maun alin hamutuk nain 7 kedas,”dehan Pascoal.
Nia hatutan,
dalaruma loron ida gerobak la nakonu, so dudu tama sai bairu no fatin lixu maka
foin hetan lata rua ou ha’at e lata ne’ebe iha ona sei tau hamutuk no lori ba
uma.
“Lata ne’ebe
ha’u hetan ona sei lori fali ba uma atu tau hamutuk no tuku halo kabelak tia e
wainhira barak ona maka foin ba fa’an ou tetu no ema sosa kilu ida ho folin
$0.25 cent kuandu lata barak ha’u bele hetan to’o kilu 10 ou 20,”tenik Pascoal.
Ita
Jornal Nacional
Publicada por
TIMOR AGORA
Nenhum comentário:
Postar um comentário