Prezidenti Komisaun Funsaun Públika
(KFP), Faustino Cardoso hatete, Governu liu husi Ministerio Edukasaun (ME) iha
planu atu halo reforma ba profesores no funsionáriu ME ne’ebé idade tinan 60
liu ona, maibe KFP rasik seidauk iha kbi’it reforma, tanba rejime ne’ebé dadauk
KFP iha sei rejime tranzitória.
“Ita agora ne’e sei uja rejime
tranzitoria konaba reforma nian, e rezime ida ne’e aplika mos ba profesores
sira katak, sira ne’ebé atinji ona idade tinan 60 anos konforme lei dehan,
tenki hatama ona rekerementu ba reforma. Maibe ita tenki komprende mos katak,
rejime ida ne’e seidauk kompusatoriu, seidauk obrigatoriu signifika profesores
sira ne’ebé mak oras ne’ebé nia idade atinji ona 60 anos ou liu tan tiha ona 60
anos balu 80 anos tan tiha ona seidauk hatama rekerementu, KFP mos laiha k’bit
atu dehan obriga nia para,”prezidente KFP, Faustinho Cardoso relata asuntu ne’e
ba jornalista sira Kuarta (9/6/2016) iha Fomentu-Dili, Kampus Institut OF
Buisness (IOB).
Ba kestaun ne’ebé refere ME persiza iha
kordensaun no komunikasaun diak ho KFP hodi
bele haree didiak asuntu ne’e, tanba seidauk iha rejime atu KFP no ME
obrigatoriu funsioanriu idade reforma.
Prezidente KFP hatutan, proposta lei
konaba siguransa sosial ida ne’ebé mak obrigatoria ou kompusatoria ba
funsionariu idade reforma dadauk iha ona meja Parlamentu Nasiona, kuandu aprova
saun no promulga sei kesi funsionariu idade reforma atinji ona idade 60 hakarak
lakohi tenki husik servisu.
“Lei ida oras ne’e iha ne’e nia alende
obrigatoria kompusatoria nia mos aplika rejime kontribuitivu katak, husi funsionariu idak-idak sei ku’a nia
vensimentu ho porsentu ne’ebé mak politika mak sei diside, alende kontribuisaun
ne’ebé mak mai husi parte Estadu, durante ne’e husi deit Estadu, maibe
funsionariu laiha, funsionariu sira ne’ebé simu reformasaun pensaun ne’e Estadu
mak selu sein porsentu, entau ida ne’e
todan ida ba Estadu ne’ebé rejime oin, maibe atu bele fahe partilha funsinariu
mos selu, Estadu mos selu,”hatutan Faustino Cardoso.
Iha fatin hanesan Segundu Vise Ministru
Edukasun (VME), Abel da Costa Ximenes
hatete, ME iha duni planu atu halo reformasaun ba profesores ho idade 60 anos ho total ne’ebé sidauk
efektivu, tanba profesores barak idade 60 ou liu ona maibe seidauk hatama karta
rekerementu para servisu nian.
“Nia total ha’u la lembra, maibe ME iha
duni planu atu halo ona reformasaun ba profesores no funsionariu ME sira ne’ebé
mak ho idade tenki reforma ona tanba ne’e ha’u no Ministru Edukasaun (ME) nomos
ho Primeiru Vise Ministra atu hare’e ona ba asuntu ne’e,”esklarese Abel
Larisina.ola
Jornal Nacional
Publicada por TIMOR AGORA
_________
NB: Enviem-nos as
notícias das vossas localidades, os vossos eventos, com textos em Word e
imagens em JPG para editorlitoralcentro@gmail.com serão
de imediato divulgadas.
J. Carlos
Nenhum comentário:
Postar um comentário