Jornal Nacional, editorial
Maske xefi estadu veta politika maibe
tuir normas konstitusional katak lei nee sei lori fila fali ba parlamentu
nasional hodi deputado sira halo afirmasaun ba votus no lori fila fali ba
Presidente Republika maka Presidente Republika laiha tan dala seluk, tenki
promulga.
Lei orgaun administrasaun eleitoral foun
nebe xefi estadu promulga nee, bele dehan aletrasaun radikal, numeru komisariu
CNE husi 15 hamenso ba komisariu nain 7, Presidente CNE laos ona Komisariu sira
CNE mak hili maibe Parlamentu Nasional mak nomeia, ignora reprezentante igreja,
musculmano, defensor sira no reprezetante sosiedade sivil.
Lei orgaun administrasaun eleitoral foun
nee, komisariu sira iha reprezentasaun, orgaun soberanu hat, Presidente
Republika, Parlamentu Nasional, governu no orgaun judisiariu, (juiz).
Lei foun nee tau iha kestaun ba
independensia CNE nian iha futuru. Eleisaun jeral 2017 bele mosu fraude
eleitoral tamba komisariu sira lasuficiente atu kontrola aktu eleitoral no mos
politika bele kontrola ka interven servisu CNE nian.
Agora duvidas mak nee, tambasa
Parlamentu Nasional hakarak hamenus numeru komisarius? Karik komisariu sira
laiha servisu atu halo? Ka komisariu barak nee gasta deit osan servisu la
efektivu? Ka partido boot sira iha parlamentu nee hakarak seting ona ageda ba
eleisaun 2017? Ka Partido Politiku sira finzi hakarak kria fraude eleitoral iha
2017 mai? Publiku mak iha direitu liu atu fo resposta.
Hakarak ka lakohi, simu ka lasimu, lei
nee at ka diak ba nasaun nee, Presidente Republika laiha dalan seluk atu la
promulga, Presidente obrigadu promulga’ atu kumprementa ba konstituisaun artigu
88, presidente republika laiha direitu
atu veta ba dala rua.
Lei eleitoral foun nee laiha ona
espiritu estadista, intrese estadu nian mos atu lakon, kuaze dominante intrese
partidaria, lei nee fo dalan atu iha eleisaun mai nee mosu fraude eleitoral,
loke uportunidade ba manipulasaun atu akontese iha eleisaun tinan oin mai.
“.., mosu politizasaun, li-liu ba
eleisaun ida ne’e. Buat ne’ebé mak lia los, buat ne’ebé mak justu husi prosesu
lejislasaun ruma ne’e lakon tiha, entaun ita haree ne’e, Parlamentu vs
Prezidenti Repúblika, tanba Prezidenti agora iha partidu ona,” José Luis
Oliveira.
Laiha duvida senhor, tuir lolos seidauk
akontese alterasaun ba lei nee, maibe parlamentu halo alterasaun nee iha
informasaun nebe desenvolve iha publiku katak atu impende Presidente Republika,
Taur Matan Ruak harii partido no atu evita loke partido hanesan loke kios.
Maibe alterasaun lei nee ses husi
tarjetu, lei nee Presidente Republika haruka ba tribunal hodi haree
konstitusionalidade, aumenso tempo fo espasu ba politiku sira harii partido,
wainhira lei nee sai, partido barak rejistu ona, inklui Partido Libertasaun
Popular (PLP) diskonfia, Taur Matan Ruak mak harii.
Agora duvida mak partido nebe sai
benefisia ba lei nee? partido boot ka partido kiik? Partido foun ka partido tuan? Partido nebe
dadaun ukun ka partido nebe la ukun iha parlamentu no governu dadaun nee? ita boot sira nain resposta rasik.
Ho hamenus numeru komisarius, komisariu sira
mos iha deit reprezentasaun orgaun soberanu sira, lainklui konfiksoes relijiosa
no sosiedade sivil sei fo espasu nebe boot atu politiku sira hamosu fraude
eleitoral.
Atu eleisaun jeral tinan oin mai nee lao
povu eserse sira nia direitu votu ho libre , justu no segredu, laiha
manipulasaun sai dezafiu boot ba Komisariu CNE foun nebe sei eleje iha loron
hirak tuir mai mak sei halo supervisaun.
Nunee mos povu tomak, liu liu fiskais
partido politiku sira atu kontrola servisu Sekretariadu Tekniku Administrasaun
Eleitoral (STAE) atu nunee evita fraude eleitoral iha eleisaun tinan oin mai.*
Publicada por TIMOR AGORA
_________
NB: Enviem-nos as
notícias das vossas localidades, os vossos eventos, com textos em Word e
imagens em JPG para editorlitoralcentro@gmail.com serão
de imediato divulgadas.
Nenhum comentário:
Postar um comentário