segunda-feira, 25 de julho de 2016

PM Austrália husu revizaun ba seguransa iha fatin públiku kontra terrorizmu

Primeiru-ministru australianu, Malcolm Turnbull, afirma iha ohin ba autoridade iha nia nasaun atu revé seguransa iha fatin públiku hodi prevene atentadu terrorista, hafoin atake sidade iha franseza Nice, semana liubá.

"Ami tenki  revé maneira oinsa konsebe no proteje  fatin sira ne’ebé maka australianu sira konsentra barak", hatete Turnbull iha entrevista ba estasaun lokál 3AW.

Turnbull indika katak  husu ona ba nia konsultor antiterrorista atu  avalia atake ho kamiaun ida iha  Nice, iha Loron Nasionál Fransa nian, ne’ebé rezulta ema  84 mate, no iha refén kafé ida iha Sydney iha 2014, ne’ebé halo ema na’in rua mate no sekestradór, hodi evita atake sira  ho naran "lobos solitários".

Primeiru-ministru ne’e reflete kona-ba radikalizasaun rápidu hosi ema barak, ne’ebé "lahetan iha  radar antiterrorista no dalabarak  envolve-an iha ideolojia hirak ne’e  tamba sofre moras mentál no hafoin atua".

Autoridade  australiana iha possibilidade halo avalia liuhosi rejistu médiku ba ema sira ho moras  mentál ne’ebé iha potensiál liu bele komete aktu terrorista hanesan  parte estratéjia ida atu  evita atake  sira hanesan refere.

"Importante liu maka ita avalia ho kuidadu", haktuir  Turnbull, observa importánsia luta kontra  terrorizmu no direitu ba privasidade indivídu nian.

Austrália hasa’e maka’as ninia alerta ba  terrorista iha  setembru 2014 no desze hosi ne’ebá  reforsa ona seguransa no aprova ona série lei antiterrorizmu balun hodi  evita atentadu iha ninia territóriu, ne’ebé sai hanesan alvu atake izoladu sira.

Iha finál setembru nian, Austrália intensifika  alerta terrorista hosi "médiu" to’o  "altu" badahuluk  iha tinan sanulu nia laran.

Haree hosi sistema australianu nian, nível "altu" aponta  iha "possibilidade" mosu atentadu terrorista.

SAPO TL ho Lusa

Publicada por TIMOR AGORA

Blogger PAK BUDIMAN DI MALANG disse...
Saya sangat berterima kasih banyak MBAH RAWA GUMPALA atas bantuan pesugihan dana ghaib nya kini kehidupan kami sekeluarga sudah jauh lebih baik dari sebelumnya,ternyata apa yang tertulis didalam blok MBAH RAWA GUMPALA itu semuanya benar benar terbukti dan saya adalah salah satunya orang yang sudah membuktikannya sendiri,usaha yang dulunya bangkrut kini alhamdulillah sekaran sudah mulai bangkit lagi itu semua berkat bantuan beliau,saya tidak pernah menyangka kalau saya sudah bisa sesukses ini dan kami sekeluarga tidak akan pernah melupakan kebaikan MBAH,,bagi anda yang ingin dibantu sama MBAH RAWA GUMPALA silahkan hubungi MBAH di 085 316 106 111 insya allah beliau akan membantu anda dengan senang hati,pesugihan ini tanpa resiko apapun dan untuk lebih jelasnya buka saja blok MBAHPESUGIHAN DANA GHAIB

Nenhum comentário:

Postar um comentário