DILI – Governu liu husi Ministeriu Komersiu Industria e Ambiente MCIA, Departementu Mikro Pekuenas Empreza apoio ona fundus ba grupu benefisiariu sira iha Munisipiu maibe atividade real iha baze laiha.
Tuir Xefi Departementu Mikro Pequenas Empreza, Reinaldo Borges katak, Departementu Pekuenas empreza tun ona ba iha baze, hodi kria formasaun ba grupu benefisiariu sira neebe hetan apoiu osan husi governu, maibe problema neebe akontese iha baze maka grupu benefisiariu sira hetan tiha osan husi governu defisil tebes atu jere osan nee ho diak tan nee departemenu ida nee, halibur fali grupu hirak nee hodi kria formasaun konaba mikro pekuenas empreza.
Hau hare grupu benefisiariu neebe hetan formasaun konaba pekuenas emprezas nee, balun lao susesu ona, no sira neebe maka seidauk lao diak nee ami nafatin kapasita sira atu nunee bele hadia diak liu tan sira nia atividade, liu liu halo jestaun ba osan neebe sira hetan,”infrma Xefi Departementu Mikro pekuenas empreza Reinaldo Borges ba STL, Kinta (23/02/2017) iha MCIA Fomento Dili.
Nia mos informa liu tan katak, problema neebe departementu ida nee hasoru iha baze maka, atividade grupu sira nee laiha no kontaktu ba sira nia numeru maibe fora da area tanba nee maka, too agora departementu ida nee seidauk defini didiak grupu ida neebe maka kategoria iha Mikro pequenas no makro, maibe knaar governu nian nafatin halo esforsu atu kapasita grupu benefisiariu sira nee iha Munisipiu tomak.
Iha parte seluk Reprezentante povu iha Uma Fukun Parlamentu Nasional, Deputadu Paulino Monteiro mos hatutan, grupu Mikro pekuenas empreza nee, tama iha planu MCIA nian tanba nee, liu husi OJE, tau mos osan balun iha neeba atu fo apoiu nafatin ba grupu sira neebe maka hakarak atu buka moris maibe finanseru laiha.
Hau hanoin ita bele fo apoiu ba grupu sira nee maibe, importante maka governu nafatin halo akonpanamentu ba sira nia atividade, sira husu tiha osan husi governu lori ba halo duni atividade iha baze ka lae, no nia progresu nee oinsa,”dehan Deputadu Paulino Monteiro.
Nia mos informa liu tan katak, karik governu la halo akonpanamentu no kapasitasaun ba grupu benefisiariu sira nee, maka tinan-tinan governu fo apoiu hela deit maibe grupu hirak nee lakohi atu halo esforsu iha iha baze, tanba nee husu governu atu halo akonpanamentu.
Nunee mos Deputada Brigida Correia hatutan, apoiu neebe maka governu fo ba grupu kiik sira nee diak tebes tanba, liu husi apoiu nee povu kiik sira bele buka osan rasik, importante maka iha inisiativa atu halo buat ruma hodi dezenvolve ekonomia familia. Madalena Horta
Suara Timor Lorosae
Publicada por Timor Agora
Nenhum comentário:
Postar um comentário