Justisa TL Previlejiu Ukun Nain

DILI - Sistema justisa neebe mak oras nee lao iha timor leste kontinua mosu injustisa boot entre povu kiik no ukun nain sira tanba ukun nain sira hetan poder ukun halo lei ba nia-an.

Tuir Kandidatura Independente numeru sorteiu 7, Luis Tilman katak, hanesan jerasaun foun hakarak kandidata-an ba prezidente republika tanba hakarak atu hadia servisu justisa iha timor leste.

Sistema justisa iha Timor Leste mosu injustisa tanba lei nee kroat ba kiik deit, povu kiik kumpri hela, koopera hela maibe, nivel leten lakoopera ho didiak,” dehan Kandidatura Independente numeru sorteiu 7, Luis ba STL iha Sede kandidatura nee, Vila Verde-Dili, Sesta (24/02/2017).

Kandidatura Independente nee haktuir, tanba povu kiik mak halo sala ninia prosesu nee lalais maibe, wainhira ukun nain mak sala nia prosesu nee kleur no susar tebes atu kastigu. Kandidatura Independente salenta, iha eleisaun mak foin determina liu husi votus povu nian tanba povu mak iha lejitimidade, se lamanan iha eleisaun prontu atu koopera.

Iha fatin ketak, kandidata numeru 6, Maria Angela Freitas hatete katak, sistema justisa mak oras nee lao iha timor leste kontinua lao hanesan lenuk tanba iha intervensaun husi lideransa sira. Kandidata numeru 6 haktuir, tanba parte profisionalismu juis no advogadu sira nian, maske sira iha esperensia husi tempu ba tempu no fiar katak ba oin sei diak liu tan. Raimundo S. Fraga

Suara Timor Lorosae

Publicada por Timor Agora