Prezidenti Parlamentu Nasional (PN), Aderito Hugo da Costa, afirma, Parlamentu Nasional (PN) lamenta tebes ho kontratu ne’ebé mak Ministeriu Agrikultura no Peskas (MAP) fo ba kompañia China, Hong Long mai kaer ikan iha tasi mane, maibe laiha regulamentu ida ne’ebé forsa.
“Intervensaun husi deputadu sira nian opiniaun publika ona iha media internasional sira sobre preokupasaun ne’e. Ita lamenta tebes, tanba ita nian teritoriu marítima ida luan tebes, ita fo manipula ba kompañia ida deit sein iha regulamentu ne’ebé apropiadu. Tanba ne’e ita nia riku soin teritoriu maritima tomak nasaun ida ne’e ita fo ba kompañia ida deit sein ho regulamentu ne’ebé forsa”informa Pezidenti PN Aderito Hugo ba JN-Diário iha PN kuarta ( 22/2/17).
Nia dehan, kona ba problema MAP fo kontratu ba kompañia China kaer ikan iha tasi Timor, hein katak Konsellu Ministrus halo ona avaliasaun ba desizaun Ministeriu tutela.
“Ha’u hein katak Konsellu Ministrus halo ona avaliasaun ba ministeriu tutela ninian hein katak halo avalisaun para depois bele foti tuir desizaun ne’ebé bele impaktu ba ema nia vida, nasaun nia vida tenki halo ho kuidadu labele halo tuir hakarak deit, tanba ne’e ha’u apresia Konsellu Ministrus tanba halo ona atuasaun ba hapara kompañia nia atividade. Hau hanoin tarde ona saida mak akontese? Desde sira halo operasaun iha teritoriu maritima neba la’os deit kaer ikan tubaraun sira ne’e iha tan buat seluk ita lahatene,”nia kestiona.
Relasiona ho problema ne’e Prezidenti Parlamentu Nasional husu ba Governu tenki kuidadu kualker obra desizaun ne’ebé halo ba interese ema barak nian tenki halo ho kuidadu.
“Hanesan mos Parlamentu halo lei, halo ho kuidadu. Entaun membru Governu sira mos halo ho kuidadu, tanba la’os buat simples kiikoan ida ne’e buat boot ba interese nasaun ho povu nian entaun tenki halo ho kuidadu ho regras ne’ebé forsa ho forti, se lae no fim ita problema hakilar ona mak ita foin buka malu, se mak sala,”nia sujere.
Atu foti desizaun ida ne’e hodi hasoru Ministeriu kompetenti ho kompañia Prezidenti PN ne’ec dehan, Xefi Governu mak bele foti desizaun.car
Jornal Nacional Diário
Publicada por Timor Agora
Nenhum comentário:
Postar um comentário