Missa Agradesimentu Dom Virgilio Iha Fatumaca

FATUMACA – Sarani wain ba wain husi zona Fatumaca simu Bispu dioseze Dili Dom Virgilio do Carmo da Silva, SDB nebe halao vizita uluk iha Fatumaca nuudar bispu.

Iha visita nee mos dom Virgilio hasae misa agradesimentu ba Maromak no Nain Feto neebe mak mak involve makaas iha vida bispu nian.

Iha homilia Dom Virgilio hateten uluk liu hamutuk iha fatin santu nee agradese ba Maromak liliu ba grasa hotu neebe haraik mai ema ida-idak. Tan nee, ohin mai hamutuk ho sarani sira ho loron Nain Feto Maria Auxiliadora nian hodi fo agradese ba Nain Feto.

Hau nia inisiu knar nuuda bispu ninia, hau bele mai iha fatin ida nee hodi agradese ba Nain Feto Maria Sarani sira nia tulun ba grasa hotu neebe mak mak hau simu husi Maromak no intersesaun Nain Feto nian iha fatin ida nee,”dehan Dom Virgilio, iha Fatumaca, Tersa, 24/04/2016.

Bispu mos haktuir, sente espesial ouituan tan iha fatin ida nee mak deskobre devosaun Nain Feto nian inklui mos sarani hotu neebe mak kada tinan mai iha fatin nee. Tamba nee, hotu-hotu neebe mak mai iha fatin nee laos atu hare bispu, maibe tamba Nain Feto.

Iha fatin hanesan, Pe. Rui SDB, dehan loron 24 hanesan loron neebe importante tebes iha mundu rai klaran no kostume iha kolejiu Fatumaca selebra 24 de Maiu, hamutuk zona pastoral sentru Fatumaca inklui mos husi desa walu selebra ho misa asaun de grasa.

Tuir diretor eskola, bruder Adriano de Jesus dehan liga ba festa Maria Auxiliadora dos Cristaos, uluk fundador saun Joao Bosco Rasik mak husik hela atu kontinua nafatin tradisaun nee. Tamba tuir fundador buat hotu neebe mak iha tuir Maria Auxiliadora mak fo no tulun serbisu liu husi meius oi-oin no obra hotu. Domingos Piedade

Suara Timor Lorosae

Publicada por TIMOR AGORA

___

NB: Enviem-nos as notícias das vossas localidades, os vossos eventos, com textos em Word e imagens em JPG para editorlitoralcentro@gmail.com serão de imediato divulgadas.

J. Carlos