Ministru Negósiu Estranjeiru portugés
hatete katak lahatene razaun opozisaun Angola nian kona-ba faktu Portugál la
asume Sekretariadu Ezekutivu Komunidade Nasaun Lia-portugés (CPLP), refere ba
interpretasaun ba estatutu sira.
“Ha’u lahatene razaun opozisaun nian,
sira hatete mai ha’u katak hanesan interpretasaun estatutu no invokasaun regra
ne’ebé supostamente prevalese iha organizasaun internasionál”, refere Augusto
Santos Silva iha deklarasaun ba Lusa no Antena 1, iha rohan hosi V Enkontru
“Triángulu Estratéjiku: Amérika Latina-Europa-Áfrika”, ne’ebé termina iha Lizboa,
iha loron-tersa ne’e, no iha ne’ebé partisipa iha sesaun enserramentu.
Dirijente nasionál Partidu Sosialista
portugés nian, Vítor Ramalho, lamenta faktu Portugál la asumer agora
Sekretariadu Ezekutivu CPLP nian no konsidera katak opozisaun Angola tanba
“problema banka”.
“Ha’u bele esplika proposta ne’ebé
Portugál halo”, hatete ministru portugés ne’e.
“Bainhira Portugál rekoñese faktu katak
Brazil okupa prezidénsia no Portugál sekretariadu ezekutivu dala ida, ne’ebé ba
dala uluk hodikedas CPLP hari’I laiha nasaun afrikanu ida liha pozisaun
lideransa iha organizasaun durante tinan rua no ida ne’e bele hamosu problema
ba ita-nia belun sira hosi nasaun afrikanu sira, Portugál propoin kedas
solusaun ne’ebé simples, prátika no rezolve problema ne’e. Simplesmente troka
orden ho Saun Tomé. Ida ne’e mak deside ona, ida ne’e mak sei halo”, nia
esplika.
Relasiona ho polémika kona-ba data
simeira CPLP nian tuir mai, nia konsidera pozisaun Lizboa nian ne’e simples
tebes: “Natoon ba Brazil organiza simeira xefe Estadu no Governu CPLP nian tuir
mai. Brazil sei hatene data sira ne’ebé sira bele, no sei halo proposta ba data
sira ne’e bainhira sente bele halo. No ita sei hetan lalais data ida”.
Iha observasaun finál ida, ministru
Negósiu Estranjeiru refere katak evolusaun situasaun polítika brazileira tuir
“ho atensaun” maibé mós ho “respeitu tanba desizaun interna Brazil nian”.
Funsaun Portugál nian iha “Triángulu
Amérika-Latina-Europa-Áfrika”, tema ne’ebé mós aborda iha nia intervensaun,
tenke inklui iha perspetiva xefe diplomasia nian vetór fundamentál tolu.
Nune’e Portugál tenke “mantein
protagonizmu iha nível aas liu ne’ebé karakteriza partisipasaun portugeza ihaa
polítiku-diplomátiku”, nasaun ne’ebé “sempre reprezenta iha nível aas liu,
katak, Prezidente Repúblika, primeiru-ministru no ministru Negósiu Estranjeiru,
iha simeira hotu CPLP nian no iha simeira hotu Konferénsia Ibero-amerikana
nian”.
“Ha’u hakarak hatete, katak ne’e
públiku, liña ne’e sei kontinua ho Governu no Prezidente ne’e”, nia hatutan.
Segmentu konkretu daruak tenke aposta
liu iha “kooperasaun triangulár, koopera iha kooperasaun”, hanesan hatete:
“Portugál, Xile no Arjentina koopera iha kooperasaun ho Áfrika, Portugál no
Brazil reforsa no estimula nia kooperasaun ho Áfrika, Portugál no Angola
koopera iha kooperasaun ho nasaun datoluk sira…”.
Ikus liu, “aposta hotu iha difuzaun lian
rua ibero-amérika nian”, ho Governu privilejia naturalmente portugés, no iha
lójika adisionál “ hosi hanoin katak bloku lian rua iha kompreensaun resíproka
ne’e naran portugés no españól, sai bloku darun hosi lian materna ne’ebé ema
ko’alia barak liu iha mundu”, maibé sein lian-portugés lakon nia identidade.
Perspetiva kona-ba mobilidade akadémika
hanesan aspetu seluk ne’ebé xefe diplomasia aborda, no iha espasu triangulár
luan ne’ebé Portugá mós bele kontribui.
“Hanesan kualkér nasaun iha UE, Portugál
hatene liuhosi esperiénsia halo ba konsolidasaun espasu mak sirkulasaun
estudante no profesór sira. Iha Europa ami baibain dehan ho forma komik,
espresiva tebes hodi haree ba realidade, iha momentu ne’ebé ami selebra
aniversáriu programa Erasmus nian. Komisária área ne’e nian hatete katak iha
ona bebé millaun ida iha Europa ne’ebé moris hosi Erasmus,inan-aman hosi nasaun
lahanesan ne’ebé iha Erasmus”, nia rekorda.
“No tanba ne’e ami propoin ona lójika
mobilidade intra-CPLP no ami akompaña prioridade organizasaun ibero-amerikana
ne’ebé neineik sei kria mós instrumentu mobilidade akadémika iha universu
ibero-amerikanu”.
Iha referénsia ida ba selebrasaun Loron
Portugál nian, Camões no Komunidade Portugeza, ne’ebé besik ona ona, Augusto
Santos Silva konklui ho hakarak: “Ha’u hakarak atu halo ho ksolok, festa, ho
orgullu boot tanba hanesan ema portugés, no empeñu atu ita hotu kontribui iha
fatin ne’ebé de’it ho forma ne’ebé ita bele hodi haboot Portugál iha mundu”.
SAPO TL ho Lusa
Publicada por TIMOR AGORA
___
NB: Enviem-nos as
notícias das vossas localidades, os vossos eventos, com textos em Word e
imagens em JPG para editorlitoralcentro@gmail.com serão
de imediato divulgadas.
J. Carlos
Nenhum comentário:
Postar um comentário