DILI - Dialogu entre Prezidente Republika (PR) Taur Matan Ruak ho Veteranus sira neebe ativu iha F-FDTL, liu husi dialogu veteranus sira prontu sai, maibe Prezidente tenki responsabeliza ba estabilidade nasional, nunee mos tenki tau aas dignidade veteranus.
Dialogu nee hahu husi tuku 08:30 too tuku 12:00 meudia, partisipa iha dilaogu nee hanesan Prezidente Republika Taur Matan Ruak, Ministru Defeza Cirilo Cristovao, Xefi Estadu Maior Jeneral F-FDTL Maijor Jeneral Lere Anan Timur, Xefi Estadu F-FDTL Koronel Falur Rate Laek, veteranus sira neebe ativu iha F-FDTL inklui mos veteranus sira seluk nebe reforma.
Hafoin remata dialogu veteranus sira neebe ativu iha F-FDTL nia laran inkuli veteranus sira reforma ona adeus ho hakuak Prezidente Republika Taur Matan Ruak ho mamnasa no balun hasai foto hamutuk ho Prezidente no han hamutuk iha fatin Dialogu Palasiu Nobre Lahane.
Hafoin han remata, Xefi Estadu Maior Jeneral F-FDTL Maijor Jeneral Lere Anan Timur nudar mos Veteranus hateten sira halo dialogu ho Prezidente Republika Taur Matan Ruak, liu husi dialogu nee bazeia ba petisaun neebe Veteranus sira halo ba Prezidente.
Petisaun nee laos ami kontra Prezidente ou afavor Prezidente ou ami laos halo kontra ema ida, maibe ami hatoo ami nia aspirasaun nudar Veteranus Falentil ninia, ami tau deit pontu rua, primeiru estabelidade nasional, ami foti kestaun ba Prezidente katak ami sira nee sai hotu nee Prezidente mesak bele infrenta situasaun nee ka lae, se situsaun aat ruma akuntese, ida seluk konaba dignidade Forsa Falintil, hanesan veteranus sira balun dehan katak uluk Prezidente hanesan ami nia komadante haruka ami oho populasaun ida nee nia familia odiu binga ami ami ba vida sivil nee Prezidente garantia ami nia siguransa ka lae,” hateten Lere, ba jornalista sira hafoin remata dialogu ho PR Taur, iha Plasiu Nobre, Lahane, Dili, Sesta (06/05/2016).
Jeneral Lere aumenta tan katak ohin sira hakarak koalia asuntu barak, maibe iha ambiente ida ohin nee la serve atu koalia hotu, nunee Prezidente dehan katak sira buka fali tempu seluk reuniaun informal, tamba dialogu ohin nee formal liu, tamba nee sira la livre atu koalia saida maka sira sente.
Konaba Jeneral Lere nia ezonersaun, Prezidente hili ba segundu opsaun konbaa reforma sira nebe 60 anus, agora kestaun nee sei lori ba governu, governu maka tetu Jeneral Lere sai ka la sai, hela ka la hela nee depende desizaun governu nia. Informasaun kompletu iha STL Jornal no STL Web, edisaun Sabado (7/5/2016). Joao Anibal
Suara Timor Lorosae
Nenhum comentário:
Postar um comentário