terça-feira, 24 de maio de 2016

Rejiaun autónomu iha Papua Nova Guiné marka loron konsulta nian kona-bá independénsia

Referendu kona-bá independénsia hosi rejiaun autónomu Bougainville, iha Papua Nova Guiné, sei hala'o iha loron 15 Juñu 2019, fó sai hosi meiu komunikasaun lokal sira iha loron-segunda ne'e.

Governu no rejiaun ne'e konkorda ona hodi hala'o iha loron ne'e durante reuniaun ida ne'ebé hala'o iha semana liubá iha Port Moresby, haktuir hosi kanal televizaun australianu ABC.

Konsulta ba independénsia tenki selebra antes 2020, haktuir hosi akordu dame nian ne'ebé hapara dékada ida konflitu armada entre Bougainville ho governu Papua Nova Guiné.

"Ho loron ne'ebé konkorda hamutuk, ami bele halo planu ba hakat sira ne'ebé presiza hodi hala'o referendu nune'e mós hanesan tempu, finansiamentu no ema sira ne'ebé presiza hodi hala'o asaun sira", hatete hosi prezidente Bougainville, John Momis, ba diáriu Post Courier.

Governu Papua Nova Guiné nian kompromete ona selu preparativu sira hosi referendu no hein katak desizaun ne'e bele halo entrega total hosi arma sira hotu iha rejiaun ne'e.

Konflitu independentista hosi Bougainville hahú iha tinan 1989, bainhira proprietáriu indíjena sira hosi rai sira ne'ebé okupa hosi empreza mina kobre australianu boot foti arma sira hafoin nega tiha katak simu kompesasaun sira tanba estraga ambiental sira ne'ebé esplorasaun ne'e halo.

Violénsia hetan intervensaun hosi ezérsitu hodi defende interese sira hosi kompañia mineira ne'ebé hanesan fonte prinsipal hosi reseita nasaun nian.

Konflitu, ne'ebé hotu ho asinatura iha 2001 ba akordu sira dame nian, halo ema na'in 20.000 mate - 10% hosi populasaun - no deslokasaun ba ema na'in 15.000 ba kampu sira refujiadu nian no ba viziñu sira iha Illa Salomaun.

Illa Bougainville pertense tuir jeografia ba arkipélagu Illa Salomaun, ne'ebé iha distánsia kilómetru hitu de'it, kontra kilómetru 760 resin ne'ebé haketak nia hosi Papua Nova Guiné.

SAPO TL ho Lusa
Publicada por TIMOR AGORA

NB: Enviem-nos as notícias das vossas localidades, com textos em Word e imagens em JPG para editorlitoralcentro@gmail.com serão de imediato divulgadas.

J. Carlos


Nenhum comentário:

Postar um comentário