Koreia do Norte reafirma poder nuklear iha loron Kongresu Partidu nian

Koreia do Norte afirma iha ohin katak  sei reforsa  ninia kapasidade dissuasaun nuklear  karik Estadus Unidus mantein nafatin  postura ida agresivu, iha loron ne’ebé  Partidu Trabalhadores hahú ninia kongressu ba tinan 36.

Rejime Kim Jong-un akuza  Governu Barack Obama maka kria motivu atu hamosu krize nuklear ida iha península koreanu, tuir komunikadu ne’ebé fó sai hosi Komité Reunifikasaun Pasífika Koreia nian, ministériu enkarregadu relasaun ho Koreia do Sul.

Organizmu ne’e fó sai estatutu Pyongyang hanesan poténsia atómika ne’ebé dezenvolve ho susesu  sai ba bomba hidrojéniu ida,  buat ida ne’ebé espesialista estranjeiru sira duvida atu sai realidade.

Iha komunikadu ne’ebé Pyongyang reafirma ninia poder nuklear fó sai molok hahú Kongressu VII hosi  Partidu Trabalhadores, ne’ebé maka nunka  realiza dezde 1980.

Kongressu dahuluk ba tinan 36 partidu úniku Koreia do Norte ne'e reúne ona iha kapitál delegadu sira millaun resin,ne’ebé  forma, pelumenus iha teoria, hanesan prinsipál órgaun desizaun nasaun nian.

Kim, tinan 33, ne’ebé seidauk moris bainhira hala’o kongresu ikus, sei halo diskursu ida ho pormenór hodi deteta alterasaun polítika ka mudansa iha kuadru elite iha governu.

Maski iha ona ajenda, no ninia durasaun, ba kongresu ne’e seidauk hatene, nia objetivu prinsipál maka konfirma estatutu Kim Jong-un hanesan erdeiru lejítimu iha dinastia Kim, ne’ebé ukun besik  dékada hitu.

Kongresu ne’e moos sei konfirma doutrina iha polítika "byungjin" Kim nian, ba dezenvolvimentu arma nuklear, nomós dezenvolvimentu ekonómiku.

SAPO TL ho Lusa

Publicada por TIMOR AGORA