Lezadu Perdua Arguidu, Tribunal Absolve Hendrique

DILI - Tribunal Distrital Dili absolve arguidu Hendrique de Araujo husi krime  Ofensas Integridade Fizika Simples (OIFS), tanba lezadu Yohanes da Silva hili dame no hakarak halo dezistensia de keisa ba krime nee.

Liu husi audensia julgamentu juiza prosesu Sribuana da Costa hatete, tanba iha autus junta ona karta akordu ida husi lezada no arguidu neebe halo dada fali ona kazu nee iha polisia, entaun lei fo dalan ba tribunal hodi absolve arguidu husi krime nee, dehan nia iha TDD.

Iha audensia nee lezadu neebe halo keiza hasoru arguidu la marka nia presensa tanba tuir informasaun katak ba tiha Inglatera ona. Nunee tanab arguidu mesak mak kolabora ho tribunal, entaun tribunal absolbe nia husi krime nee sem prezensa lezadu nian.

Audensia nee prezide husi juiz singular, Sribuana da Costa, Ministeriu Publiku reprezenta Prokurador Nelson Carvalho no arguidu hetan defensor publiku Manuel Exposto. Informasaun kompletu iha STL Jornal no STL Web, edisaun Sabado (7/5/2016). Domingas Gomes

Suara Timor Lorosae

Publicada por TIMOR AGORA