domingo, 15 de maio de 2016

Governu indonéziu saúda levantamentu suspensaun hosi federasaun futeból

Ministériu Desportu indonéziu iha sábadu ne’e saúda desizaun FIFA nian hodi hapara suspensaun ba nasaun aziátiku ne’e, tanba injerénsia Governu nian iha federasaun.

Iha 66.º Kongresu FIFA nian, iha Sidade Méxiku, organizmu mundiál ne’e hapara suspensaun hafoin karta Governu nian ida garante hodi  elimina dekretu ne’ebé permite envolvimentu iha prosesu desizaun federasaun indonézia nian.

"Ami hein karak ho hapara ona suspensaun ne’e bele hasa’e futeból indonéziu, liu-liu iha reformulasaun jestaun, hodi fomenta transparénsia no hadi’a relasionamentu entre parte hotu", refere ministériu Desportu nian, iha komunikadu.

Iha nota ne’e mós destaka kona-ba "relasaun di’ak" entre futeból indonéziu no FIFA horikedas Gianni Infantino asume prezidénsia organizmu nian.

Prezidente Konfederasaun Aziátika Futeból, Salman bin Ebrahim Al Khalifa mós louva desizaun FIFA nian ne’e.

"Ami saúda [Indonézia] ne’ebé fila hikas ba família futeból", refere dirijente, ne’ebé agora hakarak hala’o sorumutu ho responsável indonéziu sira hodi diskute sinerjia iha organizasaun.

SAPO TL ho Lusa

Publicada por TIMOR AGORA

Nenhum comentário:

Postar um comentário