quinta-feira, 5 de maio de 2016

Pires Nia Alin Hili Nonok, TDD Kontinua Inspesaun Lokal Ba HNGV

DILI - Tribunal Distrital Dili kontinua halao julgamentu ba arguida Emilia Pires no Madalena Hanjam, hodi rona deklarasaun husi diretora ETDA Palmira Pires, maibe testamunha nee hili nonok tanba sei iha relasaun nudar bin alin husi Emilia.

Liu husi audensia julgamentu, tribunal husu ba testamunha Palmira Pires neebe agora dadaun assume kargu nudar diretora ETDA. Iha biban nee juiz prosesu esplika, nudar testamunha neebe sei iha relasaun familia hanesan alin husi arguida Emilia Pires, iha direitu atu hili nonok ka koalia. Nunee sasin refere hili nonok no lakohi fo deklarasaun ba tribunal.

Tanba Palmira hanesan sasin ikus neebe mak notifika husi tribunal, juiz prosesu agenda fali orario nee ba tuku 3:00 loraik hodi halo inspesaun lokal ba iha Hospital Nasional Guidu Valadares. No iha loron (06/5) dader sei halo mos inspesaun ba iha hospital referal Baucau. No iha loron (3/6) tuku 10:00 dader sei rona relatoriu peritus husi parte MP no Defesa nian iha tribunal.

Tuir akuzasaun husi Ministeriu Publiku neebe lee sai iha tribunal katak, iha loron 9 de Fevereiru de 2011 arguida Madalena Soares haruka karta VMS/PM/11/50  ba Primeiru Ministru atu husu fundu audisional ida Ministeriu Saude ba alojamentu no alimentasaun mediku kubanu sira. (600,000 USD) unidade kardiolojia no hematolojia (400,000 USD) no kama ortopedika atus ida (100) (400.000 USD). Primeiru Ministru despaisa oinsa pedidu nee haruka ba Ministeriu Finansas. Informasaun kompletu iha STL Jornal no STL Web, edisaun Sesta (6/5/2016). Domingas Gomes

Suara Timor Lorosae

Publicada por TIMOR AGORA

Nenhum comentário:

Postar um comentário