Rui-Taur Deskuti Konseitu Estrateziku Defeza

DILI - Primeiru Ministru (PM) Rui Maria de Araujo hasoru malu ho Prezidente Republika (PR) Taur Matan Ruak, hodi deskuti konaba konsetu estrateziku defeza, tamba konseitu estrateziku nee importante ba servisu defeza no siguransa.

Lia hirak nee hatoo husi PM Rui, ba Jornalista sira hafoin remata enkontru ho PR Taur Matan Ruak, iha Palasiu Prezidensial, Aitarak Laran, Dili, Kinta (05/05/2016).

Hau Hasoru Prezidente informa konaba konseptu estrateziku defeza ninia, neebe hodi bainhira lori mai Konsellu Suprior Defeza presiza hadia buat balun, neduni Governu halo ona reniaun entre Ministru defeze ho Ministru interior rezolve ona kestoes balun, depois semana oin ami sei lori fila fali mai Konsellu Defeza Siguransa nia,atu deside,” hateten PM Rui.

Xefi Governu hatutan ema hotu hatene defeza ho siguransa nee importante ba nasaun, neduni presiza kria konseitu ka planu estrateziku defeza no siguransa hodi tau atensaun ba sira nia servisu.

Ministru Interior Longuinhos Monteiro hateten, konaba konseitu estrateziku Defesa Seguransa neebe meza koloka ba Presidente Republika, Presidente foti desizaun katak, reuniaun tenke halo nafatin iha nivel tekniku, nunee mos konsertasaun ba dokumentu nee tenke halao mos iha nivel tekniku.

Tamba nee sira sei halao konsentrasaun fali iha 11 Maiu 2016, hodi reuniaun fali Konsellu Superior defeza no siguransa diskuti klean konaba konsetu estrateziku defeza. Informasaun kompletu iha STL Jornal no STL Web, edisaun Sesta (6/5/2016). Joao Anibal

Suara Timor Lorosae

Publicada por TIMOR AGORA