UNJM Aktivista Pro RDTL Halao Enkontru Ho PR Taur

DILI - Uniaun Nasional Joventude Maubere Aktivista Pro RDTL (UNJM) halao enkontru ho Prezidente Republika Taur Matan Ruak, iha Palasiu Prezidente Nicolao Lobato Dili.

Membru Uniaun Nasional Joventude Maubere Aktivista Pro RDTL Agostino Soares hatete, sira mai iha Palasiu Prezidente Nicolao Lobato, hodi halo enkontru ho Prezidente Republika Taur Matan Ruak konaba problema rai no nain ba rai iha teretoriu Timor laran tomak.

Ohin ami mai enkontru ho Prezidente Republika konaba problema rai no nain ba rai iha ita nia teretoriu Timor laran tomak, tamba problema rai nee kauza ida halo ema oho,”dehan Agostino ba jornalista sira hafoin remata enkontru ho PR Taur, iha Palaciu PR Nicolao Lobato, Segunda (16/05/2016).

Nia hatete, PN prepara ona lei enkuantu haruka mai Prezidente Republika, Prezidente bele halo apresiasaun para bele fo hanoin fali ba Governu ho Parlamentu hodi bele hare didiak, maibe en prinsipiu maka tenki konsulta ba povu hahu husi nivel nasional too suku no aldeia para povu nee tenki fo nia hanoin konaba lei nee.

Alende hato kestaun problema rai ba Prezidente Republika, sira hato mos kestaun divizaun estrutura administrative no devizaun teritorial ba Prezidente para fo hanoin hela ho Parlamentu Nasional.

Iha parte ketak membru Komisaun A (PN), neebe trata asuntu Konstituisaun Justisa, Administrasaun Publika, Poder Lokal I Justisa Paulo Moniz Maia hatete, Konaba lei rai laos deit sira nia preokupasaun, mais Timor oan hotu-hotu preokupa, tamba disputa rai barak akontese. Informasaun kompletu iha STL jornal no STL Web, edisaun Tersa (17/5/2016). Carme Ximenes

Suara Timor Lorosae

Publicada por TIMOR AGORA