Babo La Marka Prezensa Iha Plenaria, PN Adia Audensia

DILI - Ministru Estadu Kordenador asuntu Administrativu no Ministru Administrasaun Interna Dionisio Babo la marka Prezensa iha Plenaria Parlamentu, nunee Deputadu sira adia audensia publika konaba troka Administrador Munisipiu neebe deskonfia mai husi Militante partidu CNRT.

Bazea ba Ajenda Parlamentu depois orden do dia Parlamentu halo Audensia ho governu liu husi Ministru Administrasaun Interna, hodi koalia kona ba Nomeasaun Administrador Postu Administrativu no Administrador Munisipiu neebe deskonfia mai husi Militante partidu CNRT, maibe Babo lamarka prezensa nunee Bankada Fretilin, PD no Frente Mudansa husu Adia diskusaun, maske CNRT hakarak kontinua tamba Marka ona prezensa husi Vice Ministru Administrasaun Estata Tomas Cabral.

Liu husi Sesaun Plenaria Segunda (16/05/2016) iha Parlamentu Nasional (PN) xefi Bankada Fretilin Aniceto Guterres hatete atu trata asuntu governu nian vice Ministru laiha buat ida, maibe iha buat balun vice Ministru labele hatan liu husi eskrita, tan nee husu adia ba loron seluk.

Rajaun Importante Ami hakarak Adia ba tempu seluk tamba ita halo Audensia ho minitru no iha asuntu importante neebe vice labele responde nune husu adia maibe lalika tempu naruk,” dehan Aniceto.

Nunee mos Deputadu Bankada Frente Mudansa Jorge Teme hatete nia parte konkorda Meja Parlamentu adia debate tamba asuntu neebe mak atu diskuti Inportante, liu-liu troka Administrador Munisipiu no Postu Administrativu. Informasaun kompletu iha STL jornal no STL Web, edisaun Tersa (17/5/2016). Timotio Gusmao

Suara Timor Lorosae

Publicada por TIMOR AGORA