Projetu Fijiku Laiha Kualidade, Governu La Brani Foti Medida

DILI - Projetu Fijiku neebe Implementa husi Kompania nasional no Internasional balun Laiha kualidade, maibe membru governu la brani foti medida hasoru kompania, tan nee susar projetu ho kualidade tuir estrandar.

Tuir deputadu Bankada CNRT Cesar Valente katak projetu fijiku hanesan estrada, Bee mos, Moru barak laiha kualidade maibe govertante sira la fo atensaun hodi hadia ninia kualidade.

Projetu fijiku sira ita hare momos moru ninia kualidade ita hatene nee laiha kualidade, governante sira husik hela maibe la brani foti medida hasoru ita nia kompania nasional,” dehan Cesar liu husi Sesaun Plenaria (16/05/2016) iha Parlamentu.

Nia hatete Projetu nia kualidade ho BOQ neebe tuir dezeinu governu sobu, maibe kompania internasional halo projetu laiha kualidade situasaun nee grave tebes.

Iha fatin hanesan Deputadu Bankada Fretilin Leonel Marcal hatete governu laiha intervensaun ba povu neebe diak, tan nee povu mak sai vitima dezestre naturais.

Hatan ba preokupsaun nee Sekretaria Estadu Asuntu Parlamentar Maria Terezina Viegas hatete nia parte sei lori preokupasaun deputadu sira nian ba iha Konseilu Ministru hodi diskuti hamutuk no mos hato ba iha Ministeriu relevante. Informasaun kompletu iha STL jornal no STL Web, edisaun Tersa (17/5/2016). Timotio Gusmao

Suara Timor Lorosae

Publicada por TIMOR AGORA