DILI - Kordenador partidu
FRETILIN Munisipiu Bobanaro, Paulo Moniz Maia hatete, partidu FRETILIN durante
nee nunka lohi povu ho osan, tamba FRETILIN nia prinsipiu hakarak liberta rai,
no liberta povu.
Ami hahu 1974-1975 FRETILIN
nunka lohi povu ho osan, tamba FRETILIN nia prinsipiu maka hakarak hahu liberta
uluk ita nia rai, I hakarak liberta mos ita nia povu ho onestidade,” dehan
Paulo ba STL, iha PN, Dili, Segunda (16/06/2016).
Nia hatete, FRETILIN nunka
halo promesa falsu ba povu, tamba agora povu sira hatene partidu barak sira mos
hatene hili partidu.
Tamba nee partidu barak maka
tun ba baze forma sira nia estrutura, halo konsolidasaun, tomada de pose nee
normalmenta iha nasaun demokratiku.
Iha fatin hanesan Kordenador
Komisaun Politika Partidu FRETILIN Munisipiu Dili Florentina Smith hatete,
membru estrutura Partidu FRETILIN Munisipiu Dili neebe maka simu ona tomada de
pose, tenke halao servisu makas liu tan, atu nunee partidu FRETILIN bele hetan
Vitoria iha elisaun 2017.
Entertantu Kordenador
partidu FRETILIN Postu Administrativa Ainaro Mario Bianco hatete, sira sei
servisu makas liu tan iha baze, para lori partidu historiku FRETILIN ba hetan
Vitoria iha elisaun 2017. Informasaun
kompletu iha STL jornal no STL Web, edisaun Tersa (17/5/2016). Carme Ximenes
Suara Timor Lorosae
Publicada por TIMOR AGORA
Nenhum comentário:
Postar um comentário