Jornal
Nacional, editorial
Nasaun sira iha mundo tomak tersa 31
fulan Maiu komemora loron mundial lafuma
tabaku. Iha Timor Leste, selebrasaun loron mundial la fuma tabaku, ‘ no tabacco
day’ nee organiza husi organizasaun naun
govermental nebe halo long mars husi Jardim 5 de Maiu Colmera too jardim Largo
Licidere.
Dadus balu nebe fo sai husi Organziasaun
Mundial Saude iha tinan hirak liu ba nee nebe publika iha media internasional
sira nebe tau Timor Leste nudar pais fumadora tamba labrik minor idade, adultu,
feto no mane hetan presetajen boot mak fuma tabaku. Razaun Timor Leste sai pais
fumador tamba folin sigaru baratu teb-tebes menus dolar ida nebe fasil atu
labarik sira sosa.
Fuma ka la fuma tabaku nee direitu
sidadaun ida idak nian maibe governu iha responsabilidade atu halo intervensaun
tamba fuma tabaku nee estraga ema nia saude, li-liu moras Kankuru no ipotensia.
Laiha duvida katak reseita ba
importasaun tabaku nee boot teb-tebes tan nee governu mos labele bandu
importasaun tabaku maibe mos governu labele haluha katak tinan – tinan estadu
gasta osan miloens ba miloens dolar amerikanu atu sosa aimoruk no fasilidade
saude hodi kura moras nebe afektadu husi tabaku.
Iha VI governu Konstitusional nee halo
ona lejilasaun atu kontra fumador, li-liu proibe fuma iha fatin publiku, bandu
fuma iha transporte publiku, eskola no hospital maibe ezekusaun lejislasaun
sira nee seidauk efektivu.
Karik governu seiduak maximu implementa
lejislasaun nee tamba Presidente Republika seidauk promulga lei nebe atu
kontrola tabaku no mos fatin sira nebe governu bandu atu fuma tabaku.
…, tabaku ninia implikasaun ba saude laos deit ba ita nia
rasik, maibe ba saude ema sira
ne’ebe hakbesik ita, ne’e influensia mos
sira nia saude. Fuma ne’e toman a’at ida, fuma ne’e ita bele husik hela, wainhira ema lo’ok sigaru mai ita, ita husu
diskulpa, ha’u la fuma, ha’u hanoin ha’u nia saude,” PM Rui.
Los duni senhor, fuma nee implikasaun ba
saude maibe ema nebe toman ona fuma la fasil atu husi fuma.
Iha maneira barak atu bele ema hamenus
fuma, li-liu minor idade. Governu tenki iha ona politika oinsa hasae taxa ba
importasaun tabaku hodi nunee presu tabaku bele aumenta atu nunee difikulta ema
sira nebe rendementu kiik labele sosa tabaku.
Timor Leste, presu tabaku 1 dolar
amerikanu , iha portugal presu tabaku 12 Dolar amerikanu, Fransa 14 Dolar
Amerikanu, ho presu sira hanesan nee ema ho ekonomia fraku labele sosa tabaku
no mos bandu atu fuma iha fatin publiku.
Agora governu bele kontrola povu kiik
sira nebe fuma tabaku, no fuma iha fatin
nebe propriu atu labele lori moras ba ema seluk, maibe oinsa se fumador nee
membru governu ida? membru Parlamentu ka juis tribunal ida ka Presidente
Republika mak fumador ida, oinsa lei ba ema sira nee?
Los duni lei ba ema hotu, ema hotu hotu
tenki haruk ba lei, tan nee ukun nain mak tenki fo ezemplu ba povu kiik sira.
Ukun nain mak tenki fo ezemplu katak fuma nee ladiak no labele fuma nee hahu
husi ukun nain, labele husik povu ba ukun nain.
Ne’ebe parabens ba anti tabagista,
parabens ba ema nebe lafuma iha loron mundial la fuma nian horseik. Mai ita
hakribik tabaku hodi hadomi ita nia saude no saude publiku sira nian, hatete
lae ba tabaku.
Publicada por TIMOR AGORA
Nenhum comentário:
Postar um comentário