Pasiénsia Sei Manan Obstákulu

Hakat ida hasoru problema ida. Hakat ba hakat mai, problema mós mai nababan no problema mós ba ho ninia karakter. Atu hasoru problema no obstaklu moris, dalan úniku maka rezolve de’it ho lema “sabar di dalam ketidaksabaran—pasiensia iha lapasiensia nia laran”.

Pasiensia no vontade atu aprende sai nu’udar liafuan xave ba Diretór Jerál Prezidénsia Konsellu Ministru no Diretór Sentru Formasaun Téknika iha Komunikasaun (CEFTEC), Dr. Vitor Manuel de Deus Maia, M.D., durante ne’e hala’o nia knar nu’udar servidór estadu no servidor públiku. Atu hakat liu dezafiu be nia hasoru iha ninia knaar loro-loron, nia tenki hakat ho firme no pasiensia.

“Moris ne’e baibain de’it. Atu rezolve dezafiu tenki tau iha konxiénsia katak kada hakat ida hamosu problema ida—setiap hentakan selalu ada masalah. Mekanizmu rezolve problema ne’e barak lahalimar. Maibé ha’u rezolve problema sempre kaer ba ha’u nia motto katak “sabar dalam ketidaksabaran”. Kalma hasoru problema no ho pasiensia sei bele reazolve no manan obstakulu ne’e ho lais,” dehan Diretór Jerál Preziddénsia Konsellu Ministru, Vitor Manuel de Deus Maia ne’ebé moris iha Letefoho (Ermera), 29 Agustu 1957 ne’e ho hamnasa midar be mihis ba formandus Ceftek (Unudade Hakerek Emprensa), Tersa (12 Abril 2016).

Durante hala’o knaar nu’udar servidór estadu nia hahí no hanaí ninia filozofia moris katak “tau ás interese públiku iha interese hirak seluk nia leten”. Bele tau ás interese públiku maibé interese pessoal mós tenki la’o em simultania (secara bersamaan)—la’o hamutuk. Tanba ne’e, nia foti xapeo ba Matebian Fernando La-Sama Araujo hodi sita liafuan murak ne’ebé bele haforte ninia hanoin murak ne’e, katak “ninia dignidade pessoal la ás liu dignidade estadu” maka sai inspirasaun ida ba nia hala’o knaar durante ne’e ho pasiensia.

Maske halao serbisu ho dupla funsaun maibé nia sei iha vontade hodi sai hanorin-na’in iha Universidade Nasionál Timor-Leste, UNTL, liu-liu iha Fakuldade de Direitu. Hanoin ida de’it. Nia koko atu fahe ninia matenek ba foinsa’e sira liu-hosi atividade hanorin. Tanba ne’e, nia hatoo lia-tatoli ba foinsa’e sira katak, tenki iha vontade atu aprende tanba tempu foinsa’e nian mak tempu osan-mean atu aprende hodi halibur matenek ba futuru ne’ebé sei sai di’ak liu tan. Tuir nia, se maka iha vontade aprend nebe forte, sei iha dalan ba nia atu hadau susesu be nabilan.

Too ohin loron nia hamriik iha eskada susesu be ás, iha loron horisehik, nia mós ho vontade ne’ebé ás, maske iha tempu okupasaun Indonézia sai funsionariu publiku (Kepala Biro Keuangan), nia sei la moe hodi koko halao atividade nu’udar motorista hodi kaer Mikrolet ba tula [kada dadeersan] “Ibu-Jawa” sira iha Kaikoli lori ba Merkadu Comoro. Nia la moe no sempre la moe tan. Iha tempu ukun rasik-an (2000/2001), tanba tempu defisil hetan serbisu, nia mós passa vida lori Taxi (Taxista)  buka pasajeirus no buka osan hodi sustenta ninia familia.

“Rezultadu loron ida hetan osan $10,00. Ida ne’e sufisiente ona atu bele hetan osan loro-loron. Tenki hisik kosar-been mak foin bele hetan doit metan ida. La deskansa. Kolen. Loron manas. Maibé pasiensia. Impresaun úniku, bainhira ema sa’e ita nia taxi, ema sempre horon ita nia kosar be iis. Ha’u nia kosar dois maibé ha’u tur la liga rai,” dehan Vitor Maia ho hamnasa hahaek. Ha-ha-ha. (Domingas Saldanha/Formandu Ceftec)

Matadalan

Publicada por TIMOR AGORA