Autoproklamadu Estadu Islámiku (EI)
afirma ona katak atake ne'ebé hala'o iha igreja ida iha Fransa, no halo mate
padre na'in ida, hala'o hosi "nia soldadu na'in rua", haktuir hosi
ajénsia Amaq, órgaun propaganda hosi estremista sira.
"Autor sira hosi atake hatán ba
serbisu hodi ataka nasaun sira hosi koligasaun internasional nian", ne'ebé
luta hasoru EI iha Irake no iha Síria, haktuir Amaq.
Antes, prezidente fransés, François
Hollande, hatete iha loron-tersa ne'e katak mane na'in rua ne'ebé ataka igreja
no ko'a padre ida nia kakorok "hatete katak pertense ba Daesh",
utiliza akrónimu iha lian árabe hosi grupu Estadu Islámiku nian.
Hollande, ne'ebé vizita ona fatin atake,
iha sidade Saint-Etienne-du-Rouvray, kondena ona "atake aat terorista
nian" liuhosi komunikadu.
SAPO24 em SAPO TL – Foto: AFP Photo@
Charly Triballeau
Publicada por TIMOR AGORA
Nenhum comentário:
Postar um comentário