Xefe diplomasia norte-koreanu afirma ona
iha loron-tersa katak desizaun ruma hodi hala'o ensaiu nuklear foun ida depende
hosi Estadus Unidus, ne'ebé hetan akuzasaun hosi dezestabiliza esforsu sira
hosi desnuklearizasaun hosi península koreanu.
"Realizasaun hosi ensaiu nuklear
adisional sira depende tomak hosi Estadus Unidus", hatete hosi Ri Yong-ho
ba jornalista sira bainhira hakotu reuniaun ida hosi Asosiasaun hosi Nasaun
sira Sudeste Aziátiku (ASEAN) nian iha Laos.
Komentáriu ne'e mosu oras balun hafoin
sekretáriu Estadu norte-amerikanu, John Kerry, ne'ebé iha mós Laos, adverte ba
Pyongyang kona-ba "konsekuénsia efetivu sira" bainhira insisti halo
ensaiu nuklear sira no hosi misil sira.
Nomeadu foun Ri, hanesan diplomata
norte-koreanu prinsipal ida iha estranjeiru, akuza ona Estadus Unidus hanesan
responsável sira ba negosiasaun fraku hosi nasaun neen - Koreia-Norte,
Koreia-Súl, Estadus Unidus, Japaun, Xina ho Rúsia - kona-ba programa nuklear
hosi Koreia-Norte.
"Desnuklearizasaun hosi península
koreanu falla ona tanba Estadus Unidus", afirma hosi Ri ne'ebé partisipa
iha negosiasaun sira ne'ebé nia ronda akontese ona iha tinan 2008.
"Fator prejudisial prinsipal ba
situasaun maka polítika agresivu hosi Estadus Unidus no problema aumenta
nafatin", nia hatete iha konferénsia ida ba reforsu hosi kastigu ekonómiku
sira hosi ONU no EUA, iha fulan-Janeiru, hafoin hala'o tiha ensaiu nuklear
norte-koreanu ba dala haat.
"No foin lalais halo ona agresaun
aat ida hodi insulta ami nia Líder ne'ebé ami hadomi", nia afirma kona-ba
desizaun hosi Washington hodi tau Kim Jong-un iha "lista metan" tanba
violasaun sira direitu ema nian.
Maski kastigu ikus sira ne'e,
Koreia-Norte hala'o nafatin ensaiu misil balístiku sira, viola kastigu sira
hosi ONU, no husik loloos katak hakarak kontinua halo teste nuklear sira.
Kestaun hosi programa armamentu
Pyongyang nian domina ona konversasaun sira, iha semana ne'e, iha Vienciana,
oportunidade ne'ebé ladún akontese hodi halibur hamutuk nasaun-membru neen sira
hotu iha prosesu negosial.
Kerry, ne'ebé mantén iha loron rua ikus
ne'e enkontru privadu oioin ho homólogu rejional sira, afirma ona katak iha
unanimidade kona-ba nesesidade hodi kontrola ambisaun nuklear sira hosi rejimi
norte-koreanu.
"Hamutuk ami senti determinadu hodi
garanti katak Koreia-Norte hatene katak sei iha konsekuénsia efetivu sira ba
asaun sira ne'e", deklara hosi Kerry ba jornalista sira.
Ri insisti ona katak Norte hanesan
"Estadu nuklear responsável ida", ataka de'it bainhira iha ameasa, no
husu ona ba Estadus Unidus hodi hasai lalais tropa sira ne'ebé iha Koreia-Súl.
SAPO TL ho Lusa - Foto@ KCNA/EPA
Publicada por TIMOR AGORA
Nenhum comentário:
Postar um comentário