Arsebispu Rouen nian, Dominique Lebrun,
ne'ebé agora daudaun iha Polónia akompaña hela World Youth Day, lamenta mós ona
atake hasoru igreja no fó sai ona nia regresu ba Fransa hodi akompaña
komunidade parokial ne'ebé "iha xoke".
Porta-vós hosi Vatikanu, padre Federico
Lombardi, fó sai ona katak Papa Francisco simu ona informasaun kona-ba
akontesimentu sira ne'ebé akontese iha loron-tersa ne'e, iha igreja ida iha
besik Rouene, Fransa, no "fahe laran-moras no teror hasoru violénsia
absurdu ne'e".
Mane na'in rua ho arma tama iha igreja
ida iha Saint-Etienne-du-Rouvray, durante selebrasaun misa ida, no halo ona
refén ba ema oioin no oho saserdote na'in ida, ne'ebé identifikadu ona ho naran
Jacques Hamel, padre ho tinan 84.
Arsebispu hosi Rouen, Dominique Lebrun,
ne'ebé agora daudaun iha hela Polónia hodi akompaña World Youth Day, lamenta
mós atake hasoru igreja no fó sai ona nia viajen hodi fila ba Fransa hodi
akompaña komunidade parokial ne'ebé "iha xoke".
"Ha'u konvida joven sira hodi
labele tauk hasoru violénsia no sai nu'udar apóstolu sira ba sivilizasaun hosi
domin", nia hakotu iha mensajen ida ne'ebé haruka ba Ajénsia Ecclesia.
Renascença em SAPO TL
Publicada por TIMOR AGORA
Nenhum comentário:
Postar um comentário