PARPOL BARAK SEI FAHE POVU

DILI (ANTIL) —  Parlamentu  Nasionál (PN) tenki kria lei ida hodi regulariza ezistensia Partidu Polítika (Parpol), tanba bainhira mosu partidu barak iha Timor Leste sei fahe povu.

Partidu barak sei gasta osan barak no halo forsa polítika husi povu namkari iha partidu sira, Gregorio Saldanha, mate restu 12 Novembru afirma ba ANTIL, Segunda (01/08/2016).

“ Pessoalmente aseita ho hanoin hosi Don Basilio do Nasimento, ne’ebe hateten polítika iha Timor la sériu, hetok infrakeza dínámika polítika tanba timor nasaun ki’ik maibe partidu iha 32,” nia dehan.

Timor-Leste, tuir Gregorio, la presija partidu barak, atu garante Peso Polítiku ukun no hametin estabilidade polítika iha kontinuasaun  desenvolvimentu nasionál.

Kriteria regorosu atu harri partidu mak tebki hasaé númeru apoiantes. “Ida-ne sei la hamate demokrasia, maibé halo demokrasia sai kualidade liu,” Gregorio Saldanha fo nia observasaun.

Antes ne’e iha publikasaun mídia nasionál, Don Basilio do Nasimento hateten, konstituisaun hateten, ema hotu iha liberdade atu harí partidu. Maibé partidu hotu mai lori solusaun ba ema hotu, ne’e mak Don Basilio nia duvida.  (jornalista Manuel Pinto/Editora Alicia Benigna)

ANTIL

Publicada por TIMOR AGORA